Frequently Asked Questions

Mao kini ang mga pamaagi sa pag-apply sa pagpasuga ug pagpa-miyembro sa kooperatiba:

• 1. Motambong sa Pre-Membership Orientation Seminar (PMOS) sa opisina sa SURSECO II nga pagahimoon matag-Biyernes sa alas 9:00 hangtod sa alas 11:00 sa buntag.
• 2. Moduol sa in-charge sa Consumer Welfare Desk aron mokuha og Membership Form og Job Order Form. Mobayad og Membership Fee nga Php 5.00 ug Job Order fee nga Php 7.00 sa teller.
• 3. Alang sa pagtuman sa Philippine Electrical Code ug Philippine National Building Code, mokuha sa mga mosunod:
  • Electrical Plan didto sa Professional Electrical Engineer, Registered Electrical Engineer o sa Master Electrician;
  • Electrical Permit sa munisipyo o local government unit (LGU); ug
  • Fire Safety Certificate sa Bureau of Fire Protection
• 4. Human nga makumpleto ang mga rekisitos, isumite kini sa SURSECO II para sa inspection.
• 5. Human ma-inspection, mobalik ang aplikante sa opisina alang sa pagbayad. Mao kini ang mga bayronon:
• Excess sa 30 metros nga service drop wire (kung naa);
• Coop share;
• Service Fee;
• Inspection Fee;
• Meter Seal and Sticker;
• Connector Compression;
• Woodscrew;
• Clustered Meter Slot;
• Billing Deposit;
• Meter Seal and Sticker;
• 6. Human mabayaran, i-proseso dayon sa opisina ang maong aplikasyon hangtod nga matauran sa suga ang aplikante.

Adunay duha ka-klase sa brownout o pagkapalong sa suga. Una, mao ang gitawag nga emergency o un-scheduled nga brownout. Tungod kay emergency man ang pagkapalong, makahatag lamang ang SURSECO II sa detalye sa brownout human nga mahibaloan ang tinood nga hinungdan niini. Kasagaran nga hinungdan mao ang mga mosunod:

1. Mga tanom (kahoy, kawayan, lubi, etc.), mga istruktura, bisan unsa nga butang o kaha mga mananap nga mobad-ay o motandog sa linya.

2. Aksidenteng pagkabali sa mga poste o pagkaguba sa mga pasilidad tungod sa nagkalain-laing rason.

3. Mga kalamidad sama sa bagyo, baha, sunog, kilat ug linog hinungdan nga madaot o maguba ang linya o mga pasilidad sa kuryente.

4. Kung adunay emergency nga nahitabo sa planta sa power generation companies.

5. Kung adunay emergency nga pagkadaot sa linya sa transmission company (National Grid Corporation of the Philippines o NGCP).

Ang ikaduha nga klase sa brownout mao ang scheduled o planado nga pagpalong. Kasagaran nga hinungdan niini mao ang mosunod:

1. Naay himoon nga pagmintinar sa atong mga pasilidad sa kuryente sama sa linya o sub-station.

2. Maghimo og rehabilitasyon o pag-upgrade sa atong mga poste, transformers o uban pang mga kagamitan.

3. Paghimo og engineering activities ug pagmintinar sa linya, kagamitan ug pasilidad sa transmission company o NGCP.

4. Paghimo og engineering activities ug pagmintinar sa planta, kagamitan ug pasilidad sa generation companies nga tinubdan sa kuryente.

Alang sa scheduled o planado nga pagpalong, ang buhatan sa SURSECO II nagapadala ug sulat-pahibalo sulod sa 3 o 4 ka-adlaw sa dili pa mahitabo ang scheduled o planado nga pagpalong o brownout sa tanang istasyon sa radio ug cable TV (aron masibya nila ang impormasyon sa katawhan), sa opisina sa mayor sa apektado nga munisipyo, ug sa Board of Director sa apektado nga distrito (aron makatabang sila sa pagpahibalo sa mga lumulupyo).

Nagapahibalo usab ang SURSECO II gamit ang TEXT Blast, pinaagi sa social media page ug sa website.

Ang SURSECO II adunay gisunod nga pamaagi sa pagpasig-uli sa napalong nga kuryente. Kini gihimo aron masiguro ang kaluwasan sa tanan. Mao kini ang kasagarang pamaagi sa pag-restore sa suga:

1. Susihon sa SURSECO II ang ka-grabe sa daot ug magpadala ug maintenance personnel ug kasangkapan aron maka-repair. Apan, adunay mga higayon nga dili dayon masayran ang daot mao nga adunay maglabay-labay o magbalik-balik nga maintenance vehicle alang sa pag-patrol o pag-subay sa linya o poste aron makita kung asa ug unsa ang posible nga hinungdan sa brownout.

2. Apan kung mga transmission towers ang adunay problema, kini ayuhon lamang sa National Grid Corporation of the Philippines o NGCP. Motabag lamang ang SURSECO II kung mangayo sila og tabang.

3. Tungod kay ang sub-station sa SURSECO II nagsilbi sa liboan nga mga konsumidor, kung adunay dagko nga pagkapalong, kini gayud ang unang susihon o ayuhon.

4. Sundon dayon ang mga main ug secondary distribution lines ug feeders kung ang problema dili makita sa sub-station. Kini nga mga linya ang nagdala sa elektrisidad paingon sa mga konsumidor. Kung masulbad na ang problema niining higayuna, anam-anam na dayon nga makabalik ang suga sa mga konsumidor niini nga linya basta lang wala na’y problema pa sa linya sa unahan.

5. Usahay ang problema anaa ra sa service drop wire mao nga ang usa ka konsumidor walay suga apan ang iyang silingan nagsiga. Ipahibalo dayon kini sa SURSECO II aron ma-repair.

6. Apan ang serbisyo sa SURSECO II kutob lamang sa inyong metrohan. Kung ang problema anaa na sa sulod sa balay, kinahanglan nang tawagan ang accredited electrician..

Sa gika-ingon na ang SURSECO II adunay gisunod nga pamaagi sa pag-restore sa kuryente.

Apan kung ang usa ka-konsumidor walay suga tungod kay siya naputlan, mamahimo lamang nga mo-adto sa pinaka-duol nga buhatan sa SURSECO II. Mo-deretso sa teller para sa pagbayad sa gikinahanglang kantidad ug sa reconnection fee. Human niini, mo-duol sa Consumer Welfare Desk ug i-presentar ang resibo para mahimoan ug Reconnection Order. Ang consumer welfare officer na ang mohatag sa order o magpahibalo sa foreman o linemen para ma-trabaho kini.

Kinahanglan nga ma-reconnect ang konsumidor sulod lamang sa 24-oras human mga ma-dispatch ang reconnection order. Ang mga lineman ra sa SURSECO II ang awtorisado nga mo-reconnect sa inyong electric service.

Ang pag-reconnect gipaagi sa first-come, first served basis aron patas ang serbisyo sa tanang miyembro-konsumante.

Mao kini ang mga component o parte sa atong taripa nga gi-aprubahan sa Energy Regulatory Commission (ERC):

1. Generation charge (passed through)

Kini ang kantidad sa kuryente nga atong gipalit gikan sa mga power generators. Sa kasamtangan, nagkuha ang SURSECO II ug kuryente niini nga power generators: Ang hydroelectric power plants sa Agus (sa Marawi City, Lanao del Sur) ug Pulangui (sa Maramag, Bukidnon) nga gipanag-iyahan sa NPC-PSALM Corp. Ang coal fired electric power plants sa Fil-invest Development Corporation, sa San Miguel Consolidated Power Corporation, ug sa Aboitiz Power/Therma South, Inc.; ug Bunker fuel fired electric power plant nga King Energy Generation, Inc. sa Tandag City, Surigao del Sur. Ang kantidad sa lain-laing klaseng tinubdan (hydro, coal ug bunker fuel) dili pareho. Mao nga ang kantidad sa generation charge gitawag nga blended rate o gisagol nga kantidad subay sa ilang gisuplay ug gikonsumo sa atong kooperatiba. Apan subay sa EPIRA, kini nga charge gipakunhuran og 30 centavos (.30Ȼ) matag kWh used nga mogawas isip Power Act Reduction sa inyong bill.

2. Transmission charge (passed through)

Kini ang kantidad sa pagbyahe sa kuryente nga atong gipalit gikan sa mga power suppliers o generators. Ang kantidad niini sa matag kWh naga-base sa gidaghanon sa kuryente nga atong gipalit sa generators ug sa kalayo sa pag-byahe niini. Kini nga kantidad ibayad ngadto sa National Grid Corporation of the Philippines (NGCP).

3. System Loss Charge

Kini mao ang kantidad sa nawala o nausik nga kuryente tungod sa technical ug non-technical nga hinungdan samtang nagbyahe kini gikan sa power suppliers o generators.

4. Distribution, Supply & Metering Charges (DSM)

Kini lamang nga kantidad ang mopaingon sa usa ka electric utility o kooperatiba sa elektrisidad.

Ang distribution charge mao ang kantidad alang sa pagdumala ug pagmentena sa mga pasilidad sa kooperatiba (sama sa distribution lines, lateral lines, distribution transformers, mga poste, overhead ug service drop wires, ug uban pang materyales) aron moabot ang kuryente sa matag panimalay.

Ang supply charge mao ang kantidad alang sa support infrastructures ug equipments sama sa mga maintenance vehicles, opisina ug mga kahimanan ug materyales nga naa sulod niini.

Ang metering charge mao ang kantidad alang sa pagpalit og mga instrument transformers, kWh meters ug lain-laing kahimanan ug materyales ug alang sa mga aktibidad nga adunay kalambigitan sa metrohan ug sa pagmentenar niini.

Anaa usab sa DSM charges ang mga suholan ug benipisyo sa mga empleyado sa usa ka electric utility.

Ang Reinvestment Fund for Sustainable Capital Expenditures (CAPEX)

Mao kini ang gigahin nga pundo alang sa maintenance ug upgrading sa mga dagkung imprastruktura sama sa power sub-station ug back bone lines. Ang atong CAPEX nagkantidad lamang sa kwarenta centavos (0.40Ȼ) matag kilowatt-hour subay sa gi-aprubahan sa Energy Regulatory Commission (ERC).

4. Ang Universal charges

Kini ang mandatory nga kabahinan/balayranan sa matag electric utility o kooperatiba sa kuryente ngadto sa gobyerno alang sa mosunod:

Kontribusyon sa tanang electric utility aron mabayran ang mga napundo nga utang ug mga kontrata sa National Power Corporation (NPC);

Missionary electrification aron matabangan sa pagpasuga ang mga small power utility group (SPUG); ug Environmental charge para sa pagpalambo sa renewable energy sa nasud o Renewable Energy Development, alang sa environmental share ilabi na sa pagmentena sa mga water shed, ug allowance alang sa renewable energy generators aron dili kaayo sila negatibo nga maapektuhan sa pagsaka-kanaug sa taripa.

5. Uban pang charges

Subay sa gitakda sa balaod, ang mga kabus nga mga konsumante lakip na ang mga kabus nga senior citizen maka-angkon og diskwento sa ilang balayranan sa kuryente.

Ang tanang konsumante nga mokonsumo lamang og 20 kilowatt-hour paubos sa tibuok bulan makaangkon og diskwento depende sa kilowatt-hour nga iyang naggamit. Gitawag kini nga diskwento alang sa mga lifeline users. Apan ang diskwento nga gihatag sa lifeline users baydan o akuhon sa mga konsumante nga dili lifeline users.

Ang senior citizens nga nagpa-rehistro sa ilang account alang sa senior citizen discount, ug kung sila nagkonsumo lamang ug 100 kilowatt-hour paubos sa tibuok bulan, makaangkon og diskwento subay sa iyang makonsumo. Apan ang diskwento nga gihatag sa senior citizens baydan o akuhon sa uban nga mga konsumante.

6. Ang mga buhis

Sama sa tanang electric utilities, ang SURSECO II, subay sa gimando sa balaod, dili makalikay sa mga buluhisan. Ang tanang mga serbisyo niini lakip na ang buhis sa gipalit nga kuryente gikan sa mga generation companies, pagdala sa maong kuryente padulong sa atong sub-station (transmission) ug pag-apod-apod niini ngadto sa mga konsumante, tanan anaay Value Added Tax (VAT).

Ang mga local taxes (sama sa franchise tax, business tax ug real property tax) nga sukton sa mga local government units (LGUs) isulod gihapon isip kabahin sa atong taripa.

Ang reading schedule (o pagbasa sa mga metrohan sa suga) nagasugod sa matag petsa-26 sa bulan hangtod sa petsa-2 sa mosunod nga bulan. Walo (8) ka adlaw human ma-reading ang metro mao na dayon ang due date o ang katapusang adlaw sa pagbayad sa power bill nga wala pa’y penalty. Duha (2) ka-adlaw gikan sa maong due date, ipahigayon na dayon ang disconnection o ang pagpamutol sa serbisyo sa suga sa tanang wala pa makabayad sa ilang bill.

Aron dili malimtan ang due date ug ang petsa sa tingpamutol, gisiguro sa SURSECO II nga nakabutang gayud kini nga mga importante nga petsa sa Power Bill.

Aron malikayan ang pagputol sa inyong kuryente, palihog bayari dayon ang inyong POWER BILL bisan wala pa ang due date.

Tinood nga istrikto ang SURSECO II sa pag-implementar sa disconnection tungod kay ang opisina adunay usab Due Date sa atong mga power suppliers. Kung kita dili maka-apas sa pag-bayad sa atong mga Power Bill, mahimo kining rason nga i-disconnect usab kita sa atong power suppliers.

Ang atong bayronon sa kuryente magdepende usab sa kadakoon sa atong konsumo, nga posibleng dala sa kadakoon sa atong paggamit sa mga appliances. Palihog bisitaha kini nga link alang sa energy conservation tips gikan sa Department of Energy.

Posible nga modako ang bill tungod sa nag-usab-usab nga taripa sa generation, supply ug transmission sa elektrisidad ug sa mga gipatong nga local taxes o buwis. Apan kini nga balayronon naga-agad gihapon sa kadako sa nakonsumo nga kuryente mao nga gi-awhag gayud ang tanan sa pagbuhat ug energy saving activities.

Pwede usab nga hinungdan sa pagtaas o pagdako sa bill mao ang mga karaan ug daut na nga mga appliances nga kanunay pa gihapong nakasaksak o karaan o daut nga electrical wirings sa sulod sa panimalay. Ipa-susi kini sa mga accredited electricians aron mahibaloan kung kinahanglan na bang i-upgrade ang inyong mga electrical wirings.

Mamahimo usab nga susihon ang mismong metrohan kung kinahanglan ba kining i-recalibrate o pulihan. Palihog lamang sa pagtawag o pagbisita sa pinakaduol nga buhatan sa SURSECO II alang niini.

Ang pagkipat-kipat sa suga dili hinungdan sa pagtaas sa inyong Power Bill. Ang kadakoon sa power bill magadepende gayud sa kadak-on sa inyong konsumo sa kuryente.

Posible nga modako ang bill tungod sa nag-usab-usab nga taripa sa generation, supply ug transmission sa elektrisidad ug sa mga gipatong nga local taxes o buwis. Apan kini nga balayronon naga-agad gihapon sa kadako sa nakonsumo nga kuryente mao nga gi-awhag gayud ang tanan sa pagbuhat ug energy saving activities.

Tinood nga istrikto ang SURSECO II sa pag-implementar sa disconnection tungod kay ang opisina adunay usab Due Date sa atong mga power suppliers. Kung kita dili maka-apas sa pag-bayad sa atong mga Power Bill, mahimo kining rason nga i-disconnect usab kita sa atong power suppliers.

Kung ikaw naputlan sa suga tungod kay wala nimo mabayri ang imong power bill, mamahimo lamang nga mo-adto dayon sa pinaka-duol nga buhatan sa SURSECO II. Mo-deretso sa teller para sa pagbayad sa gikinahanglang kantidad ug sa reconnection fee. Human niini, mo-duol sa Consumer Welfare Desk ug i-presentar ang resibo para mahimoan ug Reconnection Order. Ang consumer welfare officer na ang mohatag sa order o magpahabilo sa foreman o linemen para ma-trabaho kini. Kinahanglan nga ma-reconnect ang konsumidor sulod lamang sa 24-oras human nga ma-dispatch ang reconnection order. Ang mga lineman ra sa SURSECO II ang awtorisado nga mo-reconnect sa inyong electric service.

Ang pag-reconnect gipaagi sa first-come, first served basis aron patas ang serbisyo sa tanang miyembro-konsumante.

Oo, ang SURSECO II naghatag og Senior Citizen Discount isip pagtuman sa nasudnong balaod nga RA 9994 o “An Act granting additional Benefits and Privileges to Senior Citizens”. Subay niini, ang buhatan sa SURSECO II mohatag ug discount nga 5% sa mga miyembro-konsumante nga senior citizen sa ilang konsumo sa elektrisidad. Kini nga discount alang lamang sa mga rehistrado nga senior citizen nga nagkonsumo og 100 kWh paubos.

Aron maka-avail niini nga discount kinahanglan lang nga magsumite niini nga mga dokumento sa pinaka-duol nga buhaton sa SURSECO II:

• Barangay Certification
• Photocopy sa valid ID o Senior Citizen ID (back to back)
• Photocopy sa latest nga Power Bill

Ang pag-avail sa senior discount kinahanglang i-renew matag tuig.